ლიკანი-სახლი

 ბორჯომის ხეობაში ერთ–ერთი უძველესი და საინტერესო ნაგებობაა წმინდა მარიამის მიძინების ქვაბისხევის ეკლესია. იგი VIII– IX საუკუნეების სამნავიანი ბაზილიკაა, ხოლო მხატვრობა XII-XIII საუკუნით თარიღდება. ფრესკაზე მდიდრული ტანსაცმლით მოსილი მამაკაცი და ქალია გამოსახული .

აქვეა ძველი ქართული ასომთავრული წარწერაც: "შოთაი და იაი". მამაკაცი დიდი ქართველი პოეტი შოთა რუსთაველია, ხოლო ქალი – დედამისი. ეკლესია ისტორიულ მესხეთში მდებარეობს. მეცნიერთა ვარაუდით იგი რუსთაველის მშობლიური კუთხეა. ლეგენდის მიხედვით ქვაბისხევის ხეობაში პოეტის დეიდა ყოფილა გათხოვილი და შოთასაც განათლება აქ მიუღია.